Shqipëria ka një potencial të madh për Burimet e Energjisë së Rinovueshme (BER). Përdorimi i këtyre burimeve për prodhimin e energjisë përfaqëson një strategji afatgjatë për zbatimin e tre objektivave të politikave energjetike të vendit, si mbështetja e zhvillimit të përgjithshëm ekonomik; rritja e sigurisë së furnizimit me energji dhe mbrojtja e mjedisit. Vendi ynë renditet i 2-ti pas Islandës, e cila furnizohet 100% me energji të rinovueshme. Shqipëria ka marrë angazhimin për një objektiv të detyrueshëm prej 54.4% të energjisë nga burimet e rinovueshme në konsumimin total të energjisë në vitin 2030, duke filluar me 31.2% në 2009. Në 2020, sipas EUROSTAT, Shqipëria kishte pjesën më të lartë të energjive të rinovueshme në konsumim total të energjisë në Ballkanin Perëndimor (45.0%), një rritje prej 13.1 pp krahasuar me 2019. Falë pozicionit të saj gjeografik të favorshëm në Basenin e Detit Mesdhe, Shqipëria ka potencial të konsiderueshëm për burime të rinovueshme energjetike si uji, erë, diell, biomasë dhe gjeotermale